САД ги нарече „Искандерите“ кај Калининград дестабилизација на Европа

Распоредувањето на руските ракетни системи „Искандер“ и С-400 во Калининград има дестабилизирачки ефект врз безбедносната ситуација во Европа, изјави портпаролот на Стејт Департментот на САД Џон Кирби.

„Ние разбираме дека Русија има право да одржува воени вежби на своите конвенционални и нуклеарни сили на своја територија“, изјави Кирби, пренесува „Взгљад“.

Сепак, од гледна точка на Кирби „распоредувањето на ракетите „Искандер“ и С-400 во Калининград има дестабилизирачко влијание врз европската безбедност“.

Според него, „Русија се закануваше дека ќе распореди ракети „Искандер“ во Калининград во текот на изминатата деценија како одговор на одреден развој на настаните во Европа“. Притоа „ниту една“ варијанта на таквиот развој на настаните не бара „таков воен одговор“, смета американскиот дипломат.

„Ја повикуваме Русија да се воздржи од зборови и дела кои не придонесуваат за целта за унапредување на безбедноста и стабилноста во евроатлантскиот регион“, додаде Кирби.

Кирби беше замолен да ги коментира информациите на рускиот печат за распоредувањето на ракетниот систем „Бастион“ во Калининград. Сепак, како одговор портпаролот на Стејт департментот ја прочита изјавата која се однесуваше на ракетните системи „Искандер“ и С-400. „Бастион“ тој не го спомена.

Претходно беше објавено дека руските сили во Калининград се зајакнати со крајбрежниот ракетен систем „Бастион“.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.