„Аерофлот” планира набавка на 50 најнови руски патнички авиони MC-21

30 септември 2016

Руска реч на македонски

Авионот МС-21 е наменет за летови до 5500 километри во сите климатски зони, во секакви временски услови. Првиот лет на најновиот патнички авион МС-21 се очекува во првата половина на 2017 година.

„Аерофлот” подготвува договор за купување 50 авиони МС-21 и 20 авиони „Сухој Суперџет 100“, соопшти директорот на компанијата Виталиј Савелев на состанокот со претседателот на Русија Владимир Путин.

Во Сибир презентиран најновиот патнички авион МС-21

„Сега сме во фаза на разработка на договорот за дополнителни 20 авиони „Сухој Суперџет“ и работиме на договор за авионите МС-21, се работи за 50 авиони”, изјави Савелев, пренесува „Взгљад”.

Тој додаде дека 20 авиони ССЏ компанијата најверојатно ќе ги добие веќе 2017-2018 година, ако тоа го овозможат капацитетите на компанијата „Цивилни авиони Сухој”. Савелев истакна дека флотата на „Аерофлот” и понатаму е најмлада на светот и дека просечната старост на авионите е 4,3 години.

„Нашата флота, меѓу другото, ја сочинуваат и авиони од домашно производство, имаме 30 авиони „Сухој Суперџет“ и флотата нема радикално да се менува, т.е. имаме и авиони за далечни летови и за кратки летови“, истакна директорот на „Аерофлот“.

Сите права ги задржува „Росијскаја Газета“.

економија руски авиони аерофлот Накратко