Министерството за одбрана на Русија потврди дека ја напушта базата во Иран

22 август 2016

Руска реч на македонски

Портпаролот на Министерството за одбрана на Русија генерал-мајор Игор Конашенков изјави дека руската авијација ја напуштила иранската авиобаза Хамадан затоа што планираните операции за напади врз објектите на „Исламската држава“ во Сирија од тој пункт се завршени.

„Руската воена авијација што учествуваше во операцијата за нанесување воздушни удари од иранската авиобаза Хамадан врз објектите на терористите во Сирија, успешно ги исполни сите поставени задачи“, ги цитира рускиот воен ресор зборовите на Конашенков.

Иран соопшти дека Москва повеќе не ја користи базата Хамадан

Во моментов сите вклучени во таа операција авиони на Воздушно-космичките сили на РФ се наоѓаат на територијата на Русија, пренесува РТ на руски.

Министерството за одбрана на РФ исто така потенцира дека понатамошното користење на авиобазата Хамадан во Иран ќе се врши „врз основа на заемниот договор за борба со тероризмот и во зависност од настанатите околности во Сирија“.

Сите права ги задржува „Росијскаја Газета“.

конфликт во сирија руска војска русија и блискиот исток Накратко Руска војска