УЕФА: Мило ни е што ќе има фудбалски натпревар меѓу Русија и Турција

Вршителот на должноста генерален секретар на Унијата на европските фудбалски асоцијации (УЕФА) Теодор Теодоридис го поврзува затоплувањето на односите меѓу Русија и Турција со фудбалот, пренесува „Лента.ру“.

u041fu0443u0442u0438u043d u0458u0430 u0441u043cu0435u0442u0430 u043fu043eu0441u0435u0442u0430u0442u0430 u043du0430 u0415u0440u0434u043eu0433u0430u043d u0437u0430 u0436u0435u043bu0431u0430 u0437u0430 u043eu0431u043du043eu0432u0430 u043du0430 u0434u0438u0458u0430u043bu043eu0433u043eu0442

„Мило ни е што Русија и Турција ќе одиграат пријателски натпревар откако во односите меѓу земјите имаше определена затегнатост. Токму во тоа лежи силата на фудбалот, играта ги обединува луѓето“, изјави Теодоридис.

Тој исто така не ја отфрли можноста да присуствува на натпреварот. „Ќе се потрудам да присуствувам на натпреварот, но терминот не е сосем соодветен – во тие денови е планиран годишниот форум на тренери во Женева. Но при првата можност ќе заминам за Анталија“, додаде функционерот.

Пријателскиот натпревар меѓу репрезентациите на Турција и Русија ќе се одржи на 31 август во Анталија. Според информациите на медиумите, турскиот претседател Реџеп Таип Ердоган има намера да го покани рускиот лидер Владимир Путин да присуствува на натпреварот.

Сите права ги задржува „Росијскаја Газета“.