Украина го предупредува Западот за „кибернетичкото оружје“ на Русија

Советот за национална безбедност и одбрана (СНБО) на Украина изјави дека Москва има некакво „кибернетичко оружје“ кое претставува закана за земјите на Западот, пишува на соопштението објавено на сајтот на СНБО.

Во соопштението се истакнува дека за заканата од страна на Русија раскажал шефот на Службата за информатичка безбедност на СНБО Валентин Петров во интервју за германската телевизија ZDF.

Емисијата е посветена на настаните од декември 2015 година кога една од енергетските компании во Ивано-Франковската област соопшти за кибер-напад поради кој во регионот снемало струја. За настанот Киев ги обвини руските хакери.

u0420u0443u0441u043au0430u0442u0430 u0430u0440u043cu0438u0458u0430 u0441u0435 u043eu0440u0438u0435u043du0442u0438u0440u0430 u043du0430 u0440u043eu0431u043eu0442u0438

Според Петров, „рускиот напад“ бил подготвуван не помалку од половина година и бил наменет да покаже дека „постои кибернетичко оружје кое ќе ги стави во опасност земјите на Западот“. Тој го нарече тоа „аларм“ за земјите со развиени информатички технологии.

„Тие настани што се случија во Украина се наменети во прв ред не против Украина, тоа е демонстрација за Западот на потенцијалните можности на Русија“, изјави претставникот на СНБО.

Москва се сомнева во издржливоста на ваквите изјави. Портпаролот на претседателот на Русија Дмитриј Песков веќе укажа на „тенденцијата да се обвинува Москва за сите смртни гревови која сега често се случува во Киев“, пишува РИА „Новости“.

Сите права ги задржува „Росијскаја Газета“.