Московските власти направија алтернатива на играта Pokemon GO

Секретаријатот за информатички технологии на Москва ја разви мобилната апликација „Запознај ја Москва: Фото”, во која корисникот треба да ги „улови“ дигиталните двојници на култни и историски личности за да се фотографира со нив, соопшти градската управа на Москва.

5 u0443u043bu0442u0440u0430u043fu043eu043fu0443u043bu0430u0440u043du0438 u043du0435u0448u0442u0430 u0438u0437u043cu0438u0441u043bu0435u043du0438 u043eu0434 u0420u0443u0441u0438u0442u0435

„До крајот на август во Play Маркет и AppStore ќе се појави апликацијата „Запознај ја Москва: Фото“ со чија помош ќе можете да се фотографирате со култна историска личност. Унапредената апликација ќе функционира според истиот принцип како популарната игра Pokemon GO”, се наведува на сајтот на Секретаријатот за информатички технологии на Москва, пренесува „Взгљад”.

Се наведува дека, штом корисникот кој ја има инсталирано оваа апликација се најде во радиус од 50 метри од одредена координата, тој може со помош на камерата на паметниот телефон да ја „види“ виртуелната личност. Веќе од крајот на август корисниците ќе можат да ги „уловат“ и да се фотографираат со Виктор Цој, Јуриј Гагарин, Александар Пушкин, Петар Илич Чајковски и други познати личности.

Сите права ги задржува „Росијскаја Газета“.