Црноморската флота со најновите воени бродови на парадата во Севастопол

Повеќе од 20 бродови и чамци на Црноморската флота ќе учествуваат на парадата што ќе се одржи во Севастопол во чест на Денот на Воено-морската флота на Русија. На истата првпат ќе бидат покажани најновите бојни бродови, соопшти началникот на одделот за информации на Црноморската флота Вјачеслав Трухачов, пренесува РИА „Новости“.

„Првпат на празникот ќе бидат претставени најновата фрегата „Адмирал Григорович“, современите мали ракетни бродови „Серпухов“ и „Зељониј Дол“, дизел-подморниците „Новоросијск“ и „Ростов на Дон“, изјави Трухачов.

u0420u0443u0441u043au0430u0442u0430 u043cu043eu0440u043du0430u0440u0438u0446u0430 u0441u0435 u043fu043eu0434u0433u043eu0442u0432u0443u0432u0430 u0437u0430 u0434u043eu043bu0433u0438 u043eu043fu0435u0440u0430u0446u0438u0438 u0448u0438u0440u0443u043c u0441u0432u0435u0442u043eu0442

На парадата и воено-спортскиот празник ќе учествуваат над 20 бојни бродови и чамци, десет помошни пловила и 30 единици техника на Крајбрежните сили на Црноморската флота.

Празничната манифестација ќе почне со свечено кревање на Андреевските знамиња и знамињата за означување на бродовите, подоцна ќе се одржи парада на бродовите во Севастополското пристаниште и воено-спортски празник.

Гледачите исто така ќе видат и парада на бродови и јахти со едра, „фонтани на вода“ и „валц на реморкери“ во изведба на пловилата за логистика на Црноморската флота. Празнувањето ќе заврши со концерт, фонтани на вода, артилериски плотун и панорамен огномет над акваторијата на Севастополското пристаниште.

Денот на ВМФ РФ се одбележува секоја година последната недела во јули.

Сите права ги задржува „Росијскаја Газета“.