Трамп воодушевен од Путин

Советникот за надворешна политика на Доналд Трамп, Мајкл Флин, во интервју за германскиот весник Der Spiegel изјави дека кандидатот за републиканската номинација за американски претседател е воодушевен од Владимир Путин како личност која е олицетворение на грижата за интересите на својата земја.

Советникот на Трамп и поранешен директор на Разузнавачката управа на Министерството за одбрана на САД Мајкл Флин објаснува со што авторитетните лидери воодушевуваат, а со што американските претседатели го разочаруваат Доналд Трамп.

„Трамп ги цени оние луѓе што се грижат за интересите на своите земји и не се занимаваат премногу со интересите на другите. Путин води сметка за интересите на Русија и на Руската Федерација. Тој ја познава историјата на својата земја. Нему не може да му се каже „не ми се допаѓаш“. Тој мора да се цени. Тој е светски лидер“, го објаснува Флин ставот на Трамп.

u041du0410u0422u041e u0441u0435 u043fu0440u0438u0431u043bu0438u0436u0443u0432u0430 u043au043eu043d u0440u0443u0441u043au0430u0442u0430 u0433u0440u0430u043du0438u0446u0430, u043du043e u0441u0430u043au0430 u0434u0438u0458u0430u043bu043eu0433 u0441u043e u041cu043eu0441u043au0432u0430

Советникот откри дека Соединетите Американски Држави „секако“ ќе бидат „сигурен партнер“. Тој додаде и дека на Вашингтон му се неопходни квалитетни односи со Москва.

Флин и Трамп сакаат Соединетите Американски Држави да се занимаваат со своите проблеми.

САД не мораат да учествуваат во решавање на секој проблем во светот, изјави советникот и нагласи дека токму благодарение на ваквиот став Доналд Трамп успеал да добие толку голема поддршка од американските избирачи, пренесува порталот RT на руски. 

Сите права ги задржува „Росијскаја Газета“.