Двајца руски пилоти загинаа во Сирија

Во текот на борбите со терористите на „Исламската држава“ на 8 јуни во околината на Палмира, провинција Хомс во Сирија, загинаа двајца воени пилоти-инструктори Рјафагат Хабибулин и Евгениј Долгин, соопшти Министерството за одбрана на Русија, пренесува РТ на руски. 

Како што информира одбранбениот ресор, на 8 јули руските воени пилоти-инструктори Рјафагат Хабибулин и Евгениј Долгин летале со сириски хеликоптер Ми-25 (извозна варијанта на хеликоптерот Ми-24) со борбен комплет во провинцијата Хомс.

Во тоа време источно од Палмира голем одред на борци на ИД ги напаѓал позициите на сириската армија и откако ја пробил одбраната, упорно напредувал во длабочина на реонот, создавајќи опасност од заземање на клучните коти.

u0420u0443u0441u0438u0458u0430 u043fu0440u043eu0434u043eu043bu0436u0443u0432u0430 u0434u0430 u0441u0435 u0431u043eu0440u0438 u0441u043e u0442u0435u0440u043eu0440u0438u0441u0442u0438u0442u0435 u0432u043e u0421u0438u0440u0438u0458u0430

Резервни единици на сириските сили за префрлување и одвраќање на нападот на терористите во наведената насока немало. 

Екипажот добил барање од сириската команда за напад врз бунтовниците кои напаѓале. Командирот на екипажот Рјафагат Хабибулин донел одлука да ги нападне терористите. Со дејствијата на рускиот екипаж нападот на терористите бил прекинат, истакнува министерството.

Заземајќи обратен курс, хеликоптерот, откако го потрошил целиот борбен комплет, бил соборен со оган истрелан од земја и се урнал во реон кој бил под контрола на сириските владини сили.

Екипажот на хеликоптерот загинал.

Командата ги препорача воените пилоти за највисоки државни почести. 

Сите права ги задржува „Росијскаја Газета“.