МОК го поддржа исклучувањето на руските атлетичари од ОИ-2016

Меѓународниот олимписки комитет на состанокот во Лозана ја поддржа одлуката на Меѓународната асоцијација на атлетски федерации (ИААФ) за отстранување на рускиот национален тим од учество на Олимписките игри 2016 година во Рио де Жанеиро, пренесува „Лента.ру“.

u041cu041eu041a: u0420u0443u0441u0438u0458u0430 u043cu043eu0436u0435 u0434u0430 u0431u0438u0434u0435 u043eu0442u0441u0442u0440u0430u043du0435u0442u0430 u043eu0434 u041eu043bu0438u043cu043fu0438u0458u0430u0434u0430u0442u0430 u0432u043e u0420u0438u043e

Одлуката на МОК има својство на препорака. Во меѓувреме Серуската атлетска федерација ја разгледува можноста за поднесување тужба во Судот за спортска арбитража (ЦАС) во Лозана да ја преиспита одлуката на ИААФ. Право на жалба, исто така, има и секој спортист.

Шефот на МОК Томас Бах исто така рече дека целиот олимписки тим на Русија нема да биде исклучен од учество во Игрите. Покрај тоа, тој смета дека е можно руските атлетичари да учествуваат на Олимпијадата во Рио.

„Секој атлетичар од Русија може да добие дозвола да учествува на Олимписките игри само од меѓународните спортски федерации. Руските спортисти на кои ќе им биде дозволено учество во Игрите ќе учествуваат во нив како членови на руската селекција и на Рускиот олимписки комитет“, рече Бах.

Сите права ги задржува „Росијскаја Газета“.