Руската војска одговори на обвинувањата за воздушните напади во Сирија

Според Конашенков американската страна соопштила дека руската авијација наводно и покрај апелите од САД свесно ги бомбардирала одредите на опозицијата во јужниот дел на Сирија.

Бомбардираниот објект бил оддалечен повеќе од 300 километри од територијата што Американците ја пријавиле како област во која дејствува опозицијата вклучена во режимот на прекин на огнот, рече Конашенков.

u041fu0443u0442u0438u043d: u043eu043fu0435u0440u0430u0446u0438u0458u0430u0442u0430 u0432u043e u0421u0438u0440u0438u0458u0430 u0433u043e u043fu043eu043au0430u0436u0430 u043au0432u0430u043bu0438u0442u0435u0442u043eu0442 u043du0430 u0440u0443u0441u043au043eu0442u043e u043eu0440u0443u0436u0458u0435

Според него ВКС Русија дејствува во рамките на пропишаните процедури и навремено ја предупредила коалицијата предводена од САД за изборот на цели, меѓутоа, американската страна не ги доставила координатите на областите во кои дејствува опозицијата под нивна контрола.

Конашенков додаде дека Министерството за одбрана на РФ одамна им предлага на САД да се состави единствена мапа на позициите на силите кои дејствуваат во Сирија, меѓутоа, на тој план не е остварен никаков напредок.

Тој исто така нагласи дека разговорот бил конструктивен и дека двете страни тежнеат кон подобрување на координацијата и спречување на инциденти, соопштува РИА „Новости“.

Сите права ги задржува „Росијскаја Газета“.