Захарова со предлог-рефрен, Рогозин со предлог-група за „Евровизија 2017“

Портпаролот на руското МНР Марија Захарова ги коментираше резултатите од „Евровизија 2016“, на која победи Украинката Џамила со песна посветена на депортацијата на кримските Татари.

„Мислам дека на следното натпреварување треба да се пее за Асад. Ќе ви подарам рефрен: Assad bloody, Assad worst / Give me prize, that we can host“, напиша таа на својот Фејсбук-профил.

Рефренот може да се преведе како: „Асад крвав, Асад најлош / Дајте ми награда за да станам домаќин“ (на натпреварувањето).

u0423u043au0440u0430u0438u043du0441u043au0438u0442u0435 u0433u043bu0435u0434u0430u0447u0438 u043cu0443 u0434u0430u0434u043eu0430 u043cu0430u043au0441u0438u043cu0430u043bu0435u043d u0431u0440u043eu0458 u043fu043eu0435u043du0438 u043du0430 u041bu0430u0437u0430u0440u0435u0432

Претходно за „Евровизија“ се пошегува и рускиот вицепремиер Дмитриј Рогозин, кој предложи догодина во Украина, која ќе ја организира следната „Евровизија“, да се испратат Сергеј Шнуров и групата „Ленинград“.

Неговата реакција беше во смисла – Шнуров нема да победи, но без цензура ќе искаже сѐ што Русија мисли за Евровизија.

Шнуров е лидер на групата „Ленинград“ од Санкт Петербург, познат по ексцентричните песни во кои често употребува навредлива лексика и пцости.

Во вчерашното финале на „Песна на Евровизија” во Стокхолм рускиот претставник Сергеј Лазарев го освои третото место, пренесува „Интерфакс“.

Сите права ги задржува „Росијскаја Газета“.