МО РФ избира меѓу две автоматски пушки за „војникот на иднината“

Министерството за одбрана сѐ уште нема одлучено која од двете понудени автоматски пушки АК-12 или АЕК-971 ќе станат дел од опремата на „војникот на иднината“. Двата примероци се далеку поскапи од автоматските пушки кои се користат во руската војска, соопшти полковник Михаил Осико, началник во Министерството за одбрана на РФ.

u0414u0438u0432u0438u043eu0442 u0417u0430u043fu0430u0434 u0441u043e u0441u0432u043eu0458 u041au0430u043bu0430u0448u043du0438u043au043eu0432

„Работиме со производителите на оптимизација на цената, така што чиј пристап во решението на проблемот ќе биде повеќе фокусиран на постигнување на целта и покомплексен, најверојатно тој ќе ја добие и нарачката од Министерството за одбрана“, изјави тој.

Според неговите зборови двете автоматски пушки со доработките ги поминале државните испитувања и ги исполниле сите барања на поставените тактичко-технички задачи. Но прашањето ќе биде разгледано како од тактичко-техничко, така и од гледиште на цената, рече офицерот.

Тој нагласи дека двете пушки во цената значително ги надминуваат сегашните примероци, на пример АК-105.  

Осико нагласи дека по државните тестирања АЕК и АК-12 ќе влезат во вооружувањето независно од комплетот „Ратник“, а пред сѐ ќе бидат наменети за специјалните единици, пренесува агенцијата Тасс.

Сите права ги задржува „Росијскаја Газета“.