Руските деминери кај Палмира открија голем склад со муниција на ИД

Руските деминери во местото Тадмор во близина на Палмира открија еден од најголемите складови со муниција на „Исламската држава”. Бомбите од овој магацин се користени за терористичките напади ширум Сирија, соопшти портпаролот на Министерството за одбрана на Русија генерал-мајор Игор Конашенков.

u041cu0438u043du0438u0441u0442u0435u0440u0441u0442u0432u043eu0442u043e u0437u0430 u043eu0434u0431u0440u0430u043du0430 u043du0430 u0420u0424 u043eu0431u0458u0430u0432u0438 u0432u0438u0434u0435u043e u043eu0434 u0434u0435u043cu0438u043du0438u0440u0430u045au0435u0442u043e u043du0430 u041fu0430u043bu043cu0438u0440u0430

„Од скриениот склад на терористите руските деминери извлекоа преку 12 илјади експлозивни предмет, вклучувајќи гранати од голем калибар за минофрлачи, артилериска муниција, како и противтенковски и противпешадиски мини”, истакна  Конашенков, пренесува РИА „Новости”.

Складот бил камуфлиран и пронајден благодарение на опремата што беше донесена од Русија во Сирија. Освен тоа, арсеналот на терористите бил заштитен со девет распрскувачки мини. „Во откриениот арсенал се чувале околу илјада електрични детонатори и детонатори на радио-управување од рачна изработка кои се користат  при рачна изработка на експлозивни направи”, изјави рускиот генерал.

Според неговото мислење, деминерите пронашле еден од најголемите складови на муниција, експлозивни направи од рачна изработка и распрскувачки мини кои се користени за терористички напади не само во провинцијата Хомс, туку и во другите делови на Сирија.

Сите права ги задржува „Росијскаја Газета“.