МНР Русија со коментар за последните случувања во Македонија

Министерството за надворешни работи на Русија се огласи по повод последните настани во Македонија.

„Руска реч на македонски“ во целост го пренесува коментарот на рускиот дипломатски ресор:

„Со загриженост ги примивме соопштенијата за ескалирање на политичката спротивставеност во Македонија, за немирите кои се случија во Скопје. Ги повикуваме сите страни на политички дијалог и непровоцирање на нови изливи на кризата која трае веќе повеќе од една година.

Констатираме дека македонската опозиција повторно стана инструмент за распалување на внатрешно политички конфликт, меѓу другото со надворешна поддршка, со цел да не дојде до одржување на предвремените избори на 5 јуни кои претставуваат единствен демократски и легитимен излез од долгата криза. Притоа, одржувањето на изборите беше договорено уште летото 2015 година, со активна помош од САД и ЕУ, и западните партнери мораат да ги почитуваат постигнатите договори и своите обврски што ги имаат преземено во тој контекст.

Сметаме дека е недозволиво да се разнишува кревката ситуација во Македонија поврзана со комплициран етничка и верска структура на земјата. Активирање на „украинското сценарио“, надворешно инспирирање на незаконски дејствија и на државни удари може да доведе до сериозни потреси во Македонија, како и до дестабилизирање на целиот Балкански регион.

Ги повикуваме сите политички сили и претставници на меѓународната заедница да го следат патот на решавање на внатрешната македонска ситуација со мирни средства, со почитување на дејствијата и на одлуките на легитимните власти и на македонското раководство“.

u0420u0443u0441u043au043e-u043cu0430u043au0435u0434u043eu043du0441u043au0430u0442u0430 u0441u043eu0440u0430u0431u043eu0442u043au0430 u043fu043eu0441u0435u0434u0443u0432u0430 u0433u043eu043bu0435u043c u043fu043eu0442u0435u043du0446u0438u0458u0430u043b

Сите права ги задржува „Росијскаја Газета“.