МНР Русија: Чудно е одбивањето на Турција да го истражи убиството на Пешков

Заменик-министерот за надворешни работи на Русија Алексеј Мешков го коментираше одбивањето на полицијата на Турција да го истражи убиството на Олег Пешков, пилотот на Су-24, затоа што престапот бил извршен на територијата на Сирија.

„Тоа е повеќе од чуден аргумент“, изјави рускиот дипломат, пренесува РИА „Новости“.  

u041fu0440u0438u0432u0435u0434u0435u043du043e u043bu0438u0446u0435u0442u043e u043au043eu0435 u0458u0430 u043fu0440u0435u0437u0435u0434u0435 u043eu0434u0433u043eu0432u043eu0440u043du043eu0441u0442u0430 u0437u0430 u0443u0431u0438u0441u0442u0432u043eu0442u043e u043du0430 u0440u0443u0441u043au0438u043eu0442 u043fu0438u043bu043eu0442

Исто така, Мешков изрази надеж дека Алпарслан Челик ќе биде строго казнет. Дипломатот потсети на видеото во кое турскиот борец ја презема врз себе одговорноста за загинувањето на рускиот пилот.

Претходно адвокатот на Челик Мурат Устјундаг ја отфрли можноста за испорака на неговиот клиент на Русија. Според неговите зборови, турското законодавство директно забранува такви процедури. Впрочем, додаде Устјундаг, Русија може да стане учесник во процесот во Турција. Ако судот го смета тоа за дозволиво, тогаш Русија ќе може да ги поднесе сите документи кои ќе ги смета за важни, истакна адвокатот.

Портпаролот на претседателот на Русија Дмитриј Песков изјави дека Кремљ внимателно ја следи работата на турските истражни органи, но прашањето за екстрадиција на Челик на Русија останува отворено.  

Сите права ги задржува „Росијскаја Газета“.