Шамани и ритуални танци на Алтајскиот фолклорен фестивал

Ел-Ојин е народна прослава која се одржува секое второ лето во Република Алтај во Русија.

Ел-Ојин е народна прослава која се одржува секое второ лето во Република Алтај во Русија.

Павел Филатов
Запознајте го Алтајскиот фестивал на народни обичаи Ел-Ојин.
Денес фестивалот опфаќа настапи на фолклорни групи кои изведуваат програма на сите дијалекти на алтајскиот јазик, но и драмски претстави, вклучувајќи и историски драми засновани на локални легенди и митови.
Во превод од алтајски јазик „ел“ значи луѓе или народ, а „ојин“ е игра, односно натпреварување. Буквалниот превод би бил „сенародни игри“. Манифестацијата е замислена како некој вид локални Олимписки игри, зашто на неа се одржуваат натпревари во различни традиционални спортски дисциплини. Освен тоа, овој фестивал со текот на времето придонесе за повторна афирмација на целокупното културно и историско наследство на Алтај.
Учесниците се облечени во народни носии кои потекнуваат од дамнина.
Затоа на овој фестивал настапуваат и учесници облечени во шаманска облека. Публиката може да види и обреди кои се изведуваат со тапани, различни ритуали, грлено пеење, но и да го запознае начинот на кој се изведува медитација и да дознае многу тајни за тамошниот начин на живот.
Најинтересно натпреварување е „Емдик Уредиш“ – натпревар во јавање каде главната награда е автомобил. За време на ова „родео“ јавачот влегува со двајца помошници во ограден простор со млади, сè уште нескротени коњи.
Шаманот изведува ритуален танц на тапан на народниот фестивал Ел-Ојин. Во некои руски републики како што се Алтај, Хакасија, Тува и Саха (Јакутија), народот сè уште верува во моќта на шаманите.
Ел-Ојин многу брзо го привлече вниманието на голем број посетители, не само од разни градови на републиката, ами и од цела Русија и од други земји.
Учителот со својот ученик свират топшур, алтајски народен жичен инструмент кој личи на лаута со две жици.
Учесниците фаќаат еден коњ, го изведуваат и го врзуваат за столб пред да му ги стават седлото и уздите. Потоа натпреварувачот го јавнува и останува во седлото барем една минута.

Овој веб-сајт користи колачиња. Кликнете овде за да дознаете повеќе.

Прифати колачиња