Според кои природни знаци Русите го предвидуваат времето?

09 март 2017 Дарја Крилова
Затоплување или мразови, урагани и дождови - од древните времиња Русите знаат како со помош на птиците, растенијата и животните да дознаат какво време ги очекува.
A woman with an umbrella
Извор: Александр Крјажев / РИА Новости

Во многу од селата, расфрлани низ огромната територија на Русија, и до ден денешен нема ниту сателитски антени, ниту радио. Како да се дознае какво ќе биде времето за да се заштитите себеси и нивите од мраз или од жештина? Со природните знаци кои се толкуваат во митологијата и фолклорот на старите Словени!

Пренесувани со векови од уста на уста, тие и до ден денешен претставуваат еден вид „барометри“ и „термометри“ не само за руралните, ами и за урбаните жители. Еве неколку од нив, кои им помагаат на Русите да се борат со стихијата.

Зимски знаци

Мачорот спие, свиткан во клопче, и си го прикрива со лапата носот, враната гo крие клунот под крилото, врапците си кријат во гранките, а зимовките џагорат - сето тоа се знаци дека наближуваат мразови.

Чадот од оџакот, ако излегува како прав густ столб, значи добро време, а ако се „тркала“различни насоки, спротивното - наближува невреме. Алексеј Малгавко / РИА НовостиЧадот од оџакот, ако излегува како прав густ столб, значи добро време, а ако се „тркала“различни насоки, спротивното - наближува невреме. Алексеј Малгавко / РИА Новости

Објаснувањето е едноставно: мачорот, враните и врапците бараат топло место на кое да се сокријат од студовите, а зимовката е зимска птица – го повикува студот, се радува дека настапува „нејзината“ сезона.

Меѓу зимските знаци има и такви кои го предвестуваат настапувањето на топењето на снегот и приближувањето на пролетта. На пример, ако свети над шумата небото или зајдисонцето што бргу го снемува.

Чадот од оџакот, ако излегува како прав густ столб, значи добро време, а ако се „тркала“различни насоки, спротивното - наближува невреме.

Пролетни знаци

Долгата руска зима ги терала и ги тера луѓето да бараат знаци на топењето на снегот – кога ќе замириса на вистинска пролет?

Ако снегот се топи од јужната страна и тече многу вода, тогаш повторно ќе залади. Александар Крјажев / РИА Новости Ако снегот се топи од јужната страна и тече многу вода, тогаш повторно ќе залади. Александар Крјажев / РИА Новости

Уште одамна се сметало дека ако снегот се топи од северната страна ќе се појават чучулиги, а ако мачката почне да спие на подот, тогаш топлината наскоро ќе дојде и ќе остане за подолго време.

Ако, пак, летаат сипки, снегот се топи од јужната страна и тече многу вода, тогаш, за жал, повторно ќе залади.

Летни знаци

Во Русија летото е кратко, а во многу области тоа е суво: ако нема вода, нема ни жетва. Затоа летно време луѓето обрнувале внимание на тоа дали цвеќињата не се затвораат, дали крекаат жабите во барите, дали излегуваат раковите на брегот и грмат ли постојано грмотевици. Сето ова се знаци за дожд.

Летно време луѓето обрнувале внимание на тоа дали цвеќињата не се затвораат, дали крекаат жабите во барите. / Константин Чабалов / РИА Новости Летно време луѓето обрнувале внимание на тоа дали цвеќињата не се затвораат, дали крекаат жабите во барите. / Константин Чабалов / РИА Новости

Другата летна закана за древните Словени била ненадејните мразови. Затоа тие обрнувале внимание на птиците, пчелите и сонцето. Ако птиците летаат ниско и врескаат силно, пчелите летаат во јато, околу сонцето се формираат венци – очекувајте мразови.

Есенски знаци

Во фокусот на есента се наоѓаат рјабината, печурките, оревите, патките, зајаците и вервериците.

Ако рјабината цвети подоцна, таа есен ќе биде долга.  Владимир Смирнов / РИА Новости Ако рјабината цвети подоцна, таа есен ќе биде долга. Владимир Смирнов / РИА Новости

Ако рјабината цвети подоцна, таа есен ќе биде долга. Богата жетва од рјабина навестува студена зима, а ако нејзините листови венеат и остануваат со приближувањето на зимата, тоа значи дека ќе има силни мразови.

Ако има многу ореви, а нема печурки - очекувајте многу снег и студ.

Ако патките во реката пливаат, дури и на ладен дожд тоа е добар знак дека студовите нема наскоро да дојдат. Ако на зајаците им избелува крзното, а вервериците прават гнездо високо – подгответе се за студена зима.

Авторските права на материјалите се во сопственост на редакцијата. При објавувањето на материјали од порталот „Руска реч на македонски“ во друг медиум, задолжително треба да се постави активен линк кон страницата од која е преземен текстот.
+
Лајкнете нѐ на Фејсбук.