Пушкин наместо Пикачу: Москва нуди својa варијанта на играта Pokemon Go

Русија, како и сиот свет, ја зафати еуфоријата наречена Pokemon Go. Градските власти на Москва не сакаат да заостануваат во овој популарен тренд, па на својот сајт најавија започнување на апликацијата „. Фото“. Апликацијата функционира на истиот принцип како и Pokemon Go, со таа разлика што наместо по малите монструми, корисниците трагаат по историски личности, со цел да направат селфи со нив.

Виртуелните двојници на познатите личности веќе „живеат“ на улиците на престолнината. Тоа се руските цареви Иван Грозни и Петар Велики, писателот Александар Пушкин, космонаутот Јуриј Гагарин, ѕвездата на советскиот рок Виктор Цој и други. Но, во моментов сите тие се поврзани за некоја конкретна точка во градот (на пример, виртуелниот Цој се наоѓа на Арбат, покрај ѕидот што го носи неговото име), а по стартувањето на обновената апликација сите тие ќе „талкаат“ низ Москва.

Дознај ја Москва. Press Photo

За разлика од покемоните, руските цареви, писатели и космонаути нема да се појавуваат во градот хаотично, туку секој во согласност со својата биографија. „Лесно можеме да мултиплицираме личности на неколку адреси кои имаат врска со нивните животи и од еден центар да го менуваме нивното моментално место на 'престој', објавувајќи потрага по конкретен јунак“, се вели на сајтот на московската влада. Градските татковци се надеваат дека корисниците низ игра ќе се заинтересираат за историјата на Москва и ќе почнат да ја проучуваат.

Покемоните ја преплавија Москва

Заинтересираните од крајот на август ќе можат да тргнат во потрага по Пушкин или по Цој со помош на смартфон, а засега во виртуелниот простор на Москва „шетаат“ само покемони. Сега тие лесно се наоѓаат зашто програмерите од школата Moscow Coding School направија план на Москва на кој ги обележаа сите покемони што се наоѓаат во центарот на  градот, а го имаат означено и времето во кое секој од нив се наоѓа на укажаното место. Авторите на мапата најавуваат дека наскоро ќе ги прошират податоците за цела Москва.

u0421u00e8 u0448u0442u043e u0442u0440u0435u0431u0430 u0434u0430 u0437u043du0430u0435u0442u0435 u0437u0430 u043du0430u0458u043fu043eu0437u043du0430u0442u0430u0442u0430 u0446u0440u043au0432u0430 u0432u043e u0420u0443u0441u0438u0458u0430

Според информациите што ги изнесуваат мобилните оператори Pokemon Go во Москва ја играат најмалку 180.000 лица. Дури ни фактот што играта Pokemon Go официјално не профункционира во Русија, не ги спречи луѓето да се врзат за покемоните. Заинтересираните ја преземаат апликацијата со помош на App Store од други земји или ја инсталираат преку трети сајтови.

Претходно портпаролот на претседателот на РФ Дмитриј Песков веќе одговори на прашањето на новинарот дали можат да се ловат покемони во Кремљ, велејќи дека тоа не е причина за посета на ризницата на светската култура, и дека Кремљ е отворен за посетители и покрај тоа што тој претставува резиденција на претседателот на државата. Сервисот за чистење станови Qlean своите услуги ги нуди под слоганот „проверете да не заталкал некој покемон во вашиот дом“, додека најголемата руска банка „Сбербанк“ за фановите на оваа апликација подготви посебна понуда – осигурување во вредност од 50.000 рубли (773 американски долари) во случај на повреда за време на потрагата по покемоните.

Сите права ги задржува „Росијскаја Газета“.